2007 წელს, როდესაც ის მოსკოვის საპატრიარქოს საგარეო საეკლესიო კავშირების განყოფილების ხელმძღვანელი იყო, დღევანდელი რუსეთის პატრიარქი კირილი ამბობდა: „მე ძალიანაც ვისურვებდი  ჩვენი საზოგადოების ზნეობრივი მდგომარეობის აღდგენას,  რათა ერთხელაც იქნებ გაცხადებულიყო მართლმადიდებელი მონარქია“.

თუმცა,  მონარქია მისი  თვალთახედვით, ყოველთვის მოითხოვდა მმართველისაგან „უდიდეს ასკეტიზმს“. „რას ნიშნავს, არ გქონდეს  საკუთარი ნებით ქორწინების უფლება და იძულებული იყო პირად ცხოვრებაში გააკეთო სახელმწიფოებრივი არჩევანი - ეს ხომ საკუთარი ხმის ჩახშობაა გულში“ - აცხადებდა ის რადიოსადგურ „მაიაკთან“ ინტერვიუში.

„როდესაც სამეფო გვარეულობის პრინცები თანამედროვე დასავლეთის ქვეყნებში ქორწინდებიან მდივნებზე, ეს ნიშნავს მონარქისტული პრინციპის სრულ დეგრადაციას. უკეთესი იქნებოდა, რომ ასეთ მონარქიას საერთოდ არ ეარსება“,  - აღშფოთებას ვერ მალავდა დასავლეთში არსებული მდგომარეობითდა იხსენებდა:

„რატომ დაემხო 1917 წელს მონარქია რუსეთში? სწორედ იმიტომ, რომ ხალხის ზნეობრივი მდგომარეობა უკვე აღარ შეესატყვისებოდა სახელმწიფოებრივი მოწყობის მონარქისტულ პრინციპს“.  და როდესაც  მაშინდელი საგარეო საეკლესიო კავშირების განყოფილების ხელმძღვანელი იხილავდა  რუსეთის დღევანდელი საზოგადოებრიობის რელიგიურ-ზნეობრივი პრინციპების შესაბამისობას მართლმადიდებლურ მონარქისტულ პრინციპთან, დასძენდა: „დღეს რომ აღდგეს სასწაულებრივად მონარქია და,  ღმერთო დაგვიფარე, მეფემ დაუშვას რაიმე შეცდომა, მას ისევე ესვრიან პამიდორებსა და ლაყე კვერცხებს, როგორც რომელიმე უვარგის ქალაქის თავს. ამჟამად ხალხს არა აქვს პიეტიტი მონარქიისადმი, როგორც წმიდა ინსტიტუციისადმი და ამიტომ ამჟამინდელი მომენტისათვის ჩვენს ზნეობრივ მდგომარეობას მონარქია არ შეეფერება“.