| გოგონას, რომელიც ძალიან ჰგავდა კემბრიჯის ჰერცოგინია ქეითს, სთხოვეს დაეტოვებინა ვინძორის ციხე-სიმაგრის ტერიტორია ბერკშირში. როგორც „The Sun“-ი იუწყება, ასეთი თხოვნით 25 წლის გაბრიელა დუგლასს მიმართა პოლიციამ. სამართალდამცავმა ორგანოებმა გადაწყვიტეს გვერდზე გაეყვანათ პრინცი უილიამის მეუღლის ორეული, რათა მას ტურისტები არ შეეყვანა შეცდომაში. გაზეთის ინფორმაციით, ციხე-სიმაგრის დამთვალიერებლები ინტენსიურად უღებდნენ დუგლასს ფოტოს - ის ქეით მიდლტონი ეგონათ და ბევრი მათგანი შეაცბუნა პოლიციის ზემოაღნიშნულმა ქმედებამ, რადგანაც ფიქრობდნენ, რომ პოლიციამ ვერ იცნო ჰერცოგინია. გაბრიელა დუგლასის გარჩევა კი მართლაც ძნელი იყო მიდლტონისაგან, რადგან მას ფეხმძიმე მიდლტონივით ჰქონდა ხელოვნურად გამობერილი მოცელი და ეცვა მასავით კოპლებიანი კაბა; ამას გარდა, გოგონა გარეგნობით რამდენადმე წააგავს კიდეც ჰერცოგინიას. არადა, დუგლასი მოსული იყო, რათა მიეღო მონაწილეობა საქველმოქმედო-განმანათლებლურ პროექტში ბავშვებისათვის. | 
