899 წლის 26 ოქტომბერს გარდაიცვალა ალფრედ დიდი (ინგლ. Alfred the Great) - ანგლოსაქსონური უესექსის სამეფოს მეფე 871-899 წწ. იგი პირველია დოკუმენტებში მოხსენიებული როგორც ინგლისის მეფე. ტახტზე ავიდა უფროსი ძმის ეთელრედ I-ის გარდაცვალების შემდეგ.

ალფრედ დიდი დაიბადა 849 წელს. სიყმაწვილეში სწავლობდა რომში, ითვლებოდა თავისი დროისთვის ძალიან განატებულ ადამიანად. ტახტზე ავიდა 871 წელს. ცაფიქრებული ჰქონდა საყოველთაო განათლების შემოღება, მაგრამ ვერ შეძლო.

იგი ერთადერთი მეფე იყო რომელმაც მოიგერია დანიელი ვიკინგების შემოტევები და აღიარებულ იქნა ინგლისის პირველ მეფედ. 800 წელს ინგლისი შვიდ სამეფოდ იყო დაშლილი, რომლებიც ერთმანეთს მუდმივად ეომებოდნენ. ვიკინგები ინგლისში პირველად 793 წელს გამოჩნდნენ მოგვიანებით მათმა შემოსევებმა სისტემატიური ხასიათი მიიღო. მერსია, ნორთუმბრია და აღმოსავლეთი ინგლისი ერთმანეთთან ბრძოლით იყვნენ დასუსტებულნი ამიტომ წინააღმდეგობის გაწევა აღარ შეეძლოთ. მათთვის გამანადგურებელი აღმოჩნდა 867 წლის შემოსევა, დანების მეფის მეთაურობით. დანებმა ლაშქრობა ეფექტურად დაიწყეს. 867-870 წლებში დაიპყრეს ნორთუმბრია. 870 წელს შეიჭენენ აღმოსავლეთ ინგლისში და მოკლეს მეფე ედმუნდი. 870-874 წლებში მთლიანად დაიპყრეს მერსია და სასექსი. 874 წლისთვის დასაპყრობი მხოლოდ უესექსი დარჩა. მეფე ალფრედ დიდი მომზადებული დაუხვდათ და დაამარცხა დანები რამდენიმე ბრძოლაში. 874-878 წლებში მა

გადამწყვეტი გამარჯვება მან 878 წელს ქალაქ ედინქტონთან გამართულ ბრძოლაში მოიპოვა. ამის შემდეგ დანიელებთან სამშვიდობო ხელშეკრულება გაფორმდა. მეფე ალფრედმა დანებს კუნძულის აღმოავლეთ ნაწილში, დენლოში დასახლების უფლება მიცათ, სადაც დანიური კულტურა ყვაოდა და მრავალი ვიკინგი დასახლდა. თვითონ ინგლისის დანარჩენი ნაწილის მართვას შეუდგა. მან შეადგინა საკანონმდებლო კოდექსი თავის ქვეყანაში, რითიც განამტკიცა უესექსის სახელმწიფოებრიობა.

მეფე ხელს უწყობდა ხელოვნების განვითარებასაც. მან ააშენა დიდი ციხე-ქალაქები და შექმნა საზღვაო ფლოტი. ენერგიული მოღვაწეობისთვი მას დიდი უწოდეს, მასვე მიუძღვნეს ემალის მინიატურა. 895 წელს მას შეეძინა შვილიშვილი ათელსტანი. როგორც ვთქვით, დიდი უესექსის მეფე გარდაიცვალა 899 წლის 26 ოქტომბერს.