|
ჟურნალიტები, სახელმწიფო ინტერესი და პრინცესა georoyal.ge
გასულ კვირას ბუკინგემის სასახლემ თხოვნით მიმართა ბრიტანულ მედიას, რომ არ გადაეღოთ ფოტოები და არ გაეშუქებინათ პრინც უილიამისა და პრინცესა ქეითის საშობაო ვიზიტი ბერკშირში. მედიასა
და სასახლეს შორის შეთანხმება შედგა.
მაგრამ რამდენიმე ფოტოგრაფმა მაინც მოახერხა სამეფო წყვილისა და მიდლტონების ოჯახის გადაღება. ყველა დარწმუნებული იყო, რომ ცერემონია მშვიდ ვითარებაში ჩაივლიდა. პოლიცია და დაცვა მობილიზებული გახლდათ: მოედანი განტვირთეს ტრანსპორტისაგან-ცნობისმოყვარეთაგან დამალვა აუცილებელი არ ყოფილა. „დეილი მეილმა“ „როიტერის“ შტატგარეშე ფოტოგრაფისგან შეიძინა წყვილის ფოტოები და თავისთან აპირება დაბეჭდვას. ამ საქციელს იმით ამართებდაა, რომ ფოტოგრაფი შტატგარეშე იყო და მას სასახლისათვის პირობა არ მიუცია.
„დეილი მეილის“ რედაქციის აზრით, შეძენილი ფოტოების დაბეჭდვის უფლება ყველას აქვს. თუმცა, ღამით სასახლის მოთხოვნით, ქეითისა და უილიამის ფოტოები გაზეთიდან ამოიღეს, მაგრამ გაზეთის რედაქციამ გამოაქვეყნა სტატია, სადაც გაკვირვებული აცხადებს, რომ მას არავითარი დანაშაული არ ჩაუდენია.
რედაქციისაგან განსხვავებით, სასახლის სიფრთხილე ქეითის მდგომარეობით უნდა იყოს გამოწვეული. როგორც ჩანს, პრინცესა საგანგებოდ გაარიდეს ხალხმრავალ გარემოს. ბერკშირის სიმყუდროვე ზედგამოჭრილი იქნებოდა მისთვის. თან შობის დღესასწაულსაც დაესწრებოდა. თუ კემბრიჯის ჰერცოგინია ხარ, დღესასწაულზე დასწრებაც კი გარკვეული მოვალეობაა. მნიშვნელობა არ აქვს, თავს შეუძლოდ გრძნობ, ტოქსიკოზი გაწუხებს თუ სხვა რამ, საზოგადოების წინაშე მომღიმარი და მოწესრიგებული უნდა წარდგე....
ქეითი ბრწყინვალედ გამოიყურებოდა ბერკშირში წმ. მარკოზის სახელობის ეკლესიაში შობის დღესასწაულზე. |
|
