2012 წლის 31 დეკემბერი

31 დეკემბერს დანიის დედოფალმა  მარგარეტ II-მ უკვე ორმოცდამეერთედ მიულოცა თავის თანამოქალაქეებს ახალი წლის დადგომა.

დანიის დედოფალი დაიბადა 1940 წლის 16 აპრილს. იგი გახლავთ დანიის ყოფილი მეფის ფრედერიკ  IX -სა და დედოფალ ინგრიდის ქალიშვილი. დედამისი შვედეთის პრინცესა იყო.  

დღევანდელი მონარქი ტახტზე ავიდა 1972 წლის 14 იანვარს. დანიის მონარქთა დინასტიის გვარია შლეზვინგ-ჰოლშტეინ-ზონდერბურგ-გლიუკსბურგი. დედოფლის მეუღლეა დანიის პრინცი ჰენრიკი. ეს ტიტული ფრანგი გრაფების შთამომავალს ანრი მარი ჟანა ანდრე დე ლაბორდ დე მონპეზას მიენიჭა 1967 წელს, მომავალ დედოფალზე ქორწინების შემდგომ. სამეფო წყვილს ორი ვაჟი ჰყავს - ფრედერიკი და იოაჰიმი.

 მარგარეტ  II 1972 წლიდან ხალხის სამსახურშია - ასრულებს დანიის სახელმწიფო მეთაურის მოვალეობას. დედოფალი გატაცებულია ხატვით, გრავიურით, წიგნების დიზაინით. მეუღლესთან ერთად თარგმნის წიგნებს.

დანიის ახლანდელი მონარქის შესახებ უფრო დაწვრილებით სხვა დროს ვისაუბროთ, ახლა კი მივადევნოთ თვალი დედოფლის სურათებს, საახალწლო მილოცვების დროს გადაღებულთ. ეს ფოტოები გვიჩვენებს, როგორ გავიდა ხალხისა და ქვეყნის სამსახურში 41 წელი...