ამერიკელ ბლოგერს, მონაკოს მონარქის ცილისწამებისათვის პარიზის სასამართლომ  დააკისრა ჯარიმა - 3 ათასი ევროს სახით, ასევე 9 ათასი ევრო საკომპენსაციო თანხა,  მორალური ზიანისათვის, რომელიც უნდა გადაუხადოს მთავარს.

სემ ერინჯერმა, კალიფორნიის შტატის სანტა ბარბარადან, თავის გვერდზე ინტერნეტში არაერთჯერ დაადანაშაულა ალბერ II კორუპციასა და უკანონო გარიგებებში.

ბლოგერი წერდა, რომ მონაკოს პლაჟის გაფართოებასთან დაკავშირებით ჩატარებული ტენდერის დროს ალბერ II ადგილობრივი კომპანიების მიმართ არაობიექტური იყო. ერინჯერის თქმით, მონარქი თავის საქმეებს აგვარებდა მის მიერვე დაწინაურებული კორუმპირებული მოსამართლისა და  სასახლის თაღლითების მეშვეობით, რომელთაგანაც ქრთამებს იღებდა.

 ბლოგერი ირწმუნებოდა, რომ ის იყო ალბერ II-ის კონსულტანტი დაზვერვისა და უსაფრათხოების საკითხებში. ერთ-ერთ ფრანგულ ჟურნალთან ინტერვიუს დროს მან განაცხადა, რომ მთავრის მითითებით შეიქმნა მონაკოს სადაზვერვო ჯგუფი, რომელსაც ევალებოდა საიდუმლო მონაცემებისა და კომპრომატების შეგროვება.

როგორც სასამართლომ დაადგინა, ბლოგერი დამნაშავეა მონაკოს მთავრის წინააღმდეგ მიმართული ცილისწამების გამო და, როგორც აღვნიშნეთ, მას მოუწევს ალბერ II-ს გაგაუხადოს 9 ათასი ევრო მრალური ზიანის მიყენების გამო. იგი ასევე გადაიხდის ჯარიმას 3 ათასი ევროს ოდენობით.