მიხეილ III ლოთი (ბერძნ. Μιχαήλ Γ΄; დ. 19 იანვარი 840 — გ. 23/24 სექტემბერი 867) — ბიზანტიის იმპერატორი 842-867 წლებში. ის ტრადიციის მიხედვით ითვლება ამორეული დინასტიის მესამე და უკანასკნელ წევრად.
მიხეილი იყო იმპერატორ თეოფილესა და დედოფალ თეოდორას უმცროსი შვილი. ის მამამისმა თითქმის დაბადებისთანავე გამოაცხადა თანამმართველად. ხოლო დაბადებიდან 2 წლის ასაკში გახდა ერთპიროვნული იმპერატორი. მისი მცირე ასაკის გამო ქვეყნის მმართველობა დედამისის დედოფალ თეოდორას ხელში იყო. მისი მმართველობის პერიოდში მოხდა ხატმებრძოლეობის საბოლოო აკრძალვა ბიზანტიის იმპერიაში. მის მიერვე თანამმართველად დანიშნულმა ბასილიმ 867 წელს მოაწყო მისი მკვლელობა და ტახტზე ავიდა, როგორც იმპერატორი ბასილი I. მის შესახებ არა ერთი ცნობაა, სადაც ის ლოთად და არასერიოზულ ადამიანადაა წარმოდგენილი, თუმცა ზოგიერთი ისტორიკოსის აზრით, ეს ცნობები უნდა იყოს გაყალბებული მისი მკვლელია, იმპერატორ ბასილი პირველის მომხრეების მიერ, რათა გაემართლებინათ მისი მკვლელობა. | 
