მეფე მთავართა,

მფლობი ჯავართა,

სოფლისა წყალთა

დამამშვენალი.

თამარ დედოფალი ვიყავ,

თავი ზეცამდის ავიღე;

სტამბოლს ხმალი ვკარ, დარუბანდს,

შამს საბალახე ავიღე.

ზღვაში სამნები ჩავყარე,

ხმელეთი ჩემსკენ მოვიღე;

უსიერი მთა გავკაფე,

დიდი შარა გზა გავიღე;

ღადაღუდა ტყე ვიარე,

ქედზედ საყდარი ავიგე.

ვადიდე ჩემი ქვეყანა,

სახელიც დიდი დავიგდე!

წიგნიდან

,,თამარ მეფის დღესასწაული“

თბილისი

ელექტრო-მბეჭდავი ,,შრომა“, მუხრანის ქ. № 12.

1916