ქართველთა ერთობა მხარს უჭერს კანონიერი ხელისუფლების დე იურე და ფაქტობრივი აღდგენის იდეას.

კანონიერი ხელისუფლების ფაქტობრივი აღდგენის შემთხვევაში შესაძლებელი იქნება დაიწყოს 1991-1992 წლების კრიმინალური გადატრიალების უმძიმესი პოლიტიკური,  გეოპოლიტიკური, სოციალური, სამართლებრივი და რაც მთავარია, ფსიქოლოგიურ-მორალური შედეგების დაძლევა. შესაძლებელი იქნება 1992 წლიდან მოყოლებული, სხვადასხვა პოლიტიკური ხელისუფლების მიერ მიღებული, საქართველოსთვის მიუღებელი გადაწყვეტილებების დაძლევა.

ამისათვის საჭიროა საზოგადოებამ, პოლიტიკურმა პარტიებმა, არასამთავრობო ორგანიზაციებმა, საპატრიარქომ და არსებულმა ხელისუფლებამ მხარი დაუჭირონ აღნიშნულ იდეას. ვთხოვთ ყველას, დაიწყოს მოლაპარაკება ქვეყნის კრიზისიდან გამოსაყვანად.

კანონიერი ხელისუფლების აღდგენა არავის წინააღმდეგ არ იქნება მიმართული. ვფიქრობთ, კანონიერი ხელისუფლების აღდგენით შესაძლებელი გახდება რეალურად ამოქმედდეს საერთო ნიადაგის პრინციპი ერის ცხოვრებაში, ეროვნული თანხმობისა და ქართველთა ერთობისათვის, რაც სახელმწიფოს აღორძინებისთვის აუცილებელია.

რაც მთავარია, აუცილებლად მიგვაჩნია კანონიერი ხელისუფლების ყ ვ ე ლ ა წარმომადგენლისა და მომხრეების შეთანხმება და სრული გაერთიანება, ნებისმიერი უთანხმოების დაძლევა.

ქართველთა ერთობა მზად არის  შეასრულოს (ყველასთან) შუამავლის როლი ამ საკითხში.

ქართველთა ერთობის გამგეობა