ბრიტანეთის დედოფალი ელისაბედ II ხელჩანთას "საიდუმლო" ნიშნებისთვის იყენებს. ამის შესახებ ცნობილი გახდა  სამეფო კარის აქსესუარების მიმწოდებელი ფირმის 87 წლის მეპატრონისაგან.

მაგალითად, როცა მონარქი მაგიდაზე, თავის წინ დებს ჩანთას, ამით ის გამოხატავს შეკრების ხუთ წუთში დატოვების სურვილს - განაცხადა სამეფო კარის ცხოვრების მცოდნემ. ინგლისური კომპანიის Launer მეპატრონემ და კრეატიულმა დირექტორმა ჯერალდ ბოდმერმა ინტერვიუში; ასევე, აღნიშნა რომ "ელისაბედ II-ისათვის შექმნილი ჩანთა ყოველთვის აღჭურვილია სარკით, საფულითა და სათვალის ბუდით", ამავე დროს, ცნობილია, რომ  მონარქი ნაღდ ფულს ჩანთით იშვიათად ატარებს.

"ჩანთას აქვს გარკვეული რაოდენობის განყოფილება, აღნიშნა ბოდმერმა ჟურნალ The Lady-სთან ინტერვიუში - ხანდახან მისი აღმატებულება თავად ითხოვს დიზაინის შეცვლას და ჩვენც ჩანთის ზომას, ან ტყავის სარჩულს აბრეშუმით ვცვლით; აუცილებელია, რომ ჩანთა მარტივად იხსნებოდეს და  დასაკეტად არ იყოს გამოყენებული ელვა".

მონარქს ჩანთა ყოველთვის მარცხენა ხელში უკავია, იქნება ეს ჩვეულებრივი გასეირნება, თუ ოფიციალური წვეულება. ჩანთა ითვლება დედოფლის "საფირმო" ატრიბუტად.

დედოფლის ბიოგრაფი სელი ბედელ სმიტი აღნიშნავს, რომ კვირა დღეს მონარქს ჩანთაში ყოველთვის აქვს "აკურატულად დაკეცილი ბანკნოტები" საეკლესიო შესაწირისათვის.

როგორც ცნობილია, მონარქის ჩანთაში მუდმივად დევს სათვალე, ტუჩის საცხი, მენთოლიანი კანფეტები და კალამი. ხოლო, სამეფო კარის ქალბატონების ჩანთაში, ჟურნალისტის თქმით, აუცილებელ საგნებად ითვლება ხელთათმანი, ძაფი და ნემსი - გაუთვალისწინებელი შემთხვევისათვის.