კემბრიჯის ჰერცოგმა და კემბრიჯის ჰერცოგინიამ მიიღეს თავიანთი ვაჟის დაბადების მოწმობა. დიდ ბრიტანეთში არსებობს კანონი, რომლის მიხედვითაც დოკუმენტების გაფორმება საჭიროა ბავშვის დაბადებიდან პირველი ექვსი კვირის მანძილზე, წინააღმდეგ შემთხვევაში მშობლებს მოუწევთ მოზრდილი ჯარიმის გადახდა. უილიამისა და ქეითის პირმშო დაიბადა 22 ივლისს, ასე რომ ყველა წესი დაცულია.

ცერემონია შედგა კენსინგტონის სასახლეში, სადაც მოვიდა ვესტმინსტერის სარეგისტრაციო ბიუროს წარმომადგენელი.

დოკუმენტი ხელით არის დაწერილი. მოწმობაში საკმაოდ შეიძლება  თავშესაქცევი  ფრაზების ამოკითხვა - მაგალითად, ჯორჯის ”მშობლების საქმიანობის” გრაფაში მინიშნებულია - ”გაერთიანებული სამეფოს პრინცი და პრინცესა”.

ბავშვის სახელის გასწვრივ მითითებულია - ”მისი სამეფო უმაღლესობა პრინცი ჯორჯ ალექსანდრ ლუი კემბრიჯელი”. თუმცა მშობლების სახელები ასევე სრულად არის წარმოდგენილი,  მამამ უბრალოდ - ”უილიამი”  მოაწერა.

”ჩვენთან არის დარეგისტრირებული დედოფლის, პრინცი ჩარლზის, პრინცების - უილიამისა და ჰარის დაბადება; შესანიშნავია, რომ ტრადიცია გრძელდება”, - თქვა ბიუროს წარმომადგენელმა ელისონ კეტკარტმა - ”და აი, ამ კოლექციას შეემატა პრინცი ჯორჯი და ჩვენ ვულოცავთ ჰერცოგსა და ჰერცოგინიას ვაჟიშვილის დაბადებას”, - დასძინა მან.