15 ივლისს არის კიევის მიტროპოლიტის - ფოტიუსის ხსენება. იგი ბერძენი იყო წარმოშობით. დაიბადა საბერძნეთის ქალაქ მონემვასიაში. ყმაწვილობიდან განრიდებული იყო საერო ცხოვრებას და ღვთივგანბრძნობილი ბერის მეთვალყურეობის ქვეშ იზრდებოდა. 1408 წელს, როდესაც ფოტიუსი  იმყოფებოდა კონსტანტინოპოლში პატრიარქთან, კიპრიანეს აღსრულების შემდგომ  დადგა  რუსეთის კათედრის დაკავების საკითხი; პატრიარქმა მათემ არჩევანი სწორედ ფოტიუსზე შეაჩერა.

ფოტიუსი ნახევარი წელი ცხოვრობდა კიევში (1409 წლის სექტემბერი - 1410 წლის თებერვალი)  და აგვარებდა რუსული ეკლესიის სამხრეთი ეპარქიის საკითხებს, რომლებიც მაშინ ლიტვის სამთავროს შემადგენლობაში შედიოდა. ხედავდა რა, რომ მიტროპოლიტის ტახტი ვერ იქნებოდა კიევში, რომელიც კათოლიკური პოლონეთის გავლენაში ექცეოდა, მან გადაინაცვლა ჯერ ვლადიმირში, შემდეგ - მოსკოვში.

ფოტიუსმა შეძლო რუსული ეკლესიის მთლიანობის დაცვა - 1420 წელს გაუქმდა ლიტვის მიტროპოლია და იმავე წელს მან მოინახულა დაბრუნებული ეპარქიები.