ბაგრატ ბატონიშვილი მამის, ირაკლი ბაგრატიონის პორტრეტთან

 საქართველოს სამეფო სახლის წევრი, ბატონიშვილი ბაგრატ ბაგრატიონ-მუხრანელი ბრიტანული ტახტის მემკვიდრეობის სიაშია.

ბაგრატ ბაგრატიონ–მუხრანბატონიშვილი ბურბონი და ბავარიელი  ბავიერა ირაკლი ბაგრატიონ-მუხრანბატონის და მისი მესამე მეუღლის, ბავარიის სამეფო ოჯახის წევრის, მეფე ხუან კარლოსის ბიძაშვილის მარია დე ლას მერსედეს დე ბავიერა ი დე ბურბონის ვაჟია. ამრიგად ბაგრატს დაბადებიდანვე რიგი ტიტულები ერგო. ბაგრატი, ესპანეთის მეფის ალფონსო XII ს შვილიშვილია. ბაგრატის წინაპრებს შორის არიან სხვადასხვა ქვეყნის მონარქები. სწორედ ამის გამო, ბაგრატი, გარდა სხვა ქვეყნებისა, დიდი ბრიტანეთის და ჩრდილო ირლანდიის გაერთიანებული სამეფოს ტახტის მემკვიდრეობის სიაშია (მის შემდეგ არიან მისი ოჯახის წევრები).

 ბაგრატ ბატონიშვილი დაიბადა 1949 წლის 12 იანვარს. იმავე წლის 2 თებერვალს იგი მადრიდის ეპისკოპოსმა, ვესტ ინდოეთის ტიტულარულმა პატრიარქმა, ლეოპოლდო ეიხო-ი-გარაიმ მონათლა. მისი ნათლიები იყვნენ ბარსელონის გრაფი და გრაფინია, ესპანეთის მეფის, ხუან კარლოს პირველის მშობლები. ესპანეთში მისი სრული სახელი ასე ჟღერს: მისი სამეფო უმაღლესობა, დონ ბაგრატ დე ბაგრატიონ დე ბურბონ ი დე ბავიერა, საქართველოს, ბავარიის და ესპანეთის პრინცი, მისი აღმატებულება ესპანეთის გრანდი.

 ჰყავს ორი შვილი ხუან (იოანე) და ინეს ბაგრატიონ-მუხრანბატონიშვილები.

ბაგრატ დე ბაგრატიონი, ვაჟიშვილთან იოანესტან (ხუანთან) , ბიძაშვილთან მეფე ხუან კარლოსთან და რომის პაპ იოანე პავლე მეორესთან.