|
ლევან ჭოღოშვილს, რამდენსამე სხვა, ამავე თაობის ფერმწერთან ერთად, საკუთარი და თვალსაჩინო წვლილი აქვს შეტანილი ჩვენში ისტორიული ჟანრის არა მხოლოდ აღორძინებაში, არამედ ქართული კულტურის თავისთავადობის კარგად წარმომჩენ დონეზე ხორცშესხმაშიც.
ლევან ჭოღოშვილის შემოქმედებაში ცოცხლობს გარდასული ეპოქების სული დიდი ინტენსივობითა და დამაჯერებლობით.
|
|
ლევან ჭოღოშვილმა შვიდი მეფის პორტრეტი შექმნა გრემის მუზეუმისთვის: “ლევანი”, “ალექსანდრე I “, “თეიმურაზ I”, “გიორგი III”, “დედოფალი ქეთევანი”, “თეიმურაზ II”, “ერეკლე II”.
ამ სერიამ ისე გაითქვა სახელი, რომ 90-იანი წლების ბოლოს მას თბილისის ნავთობის კომპანიისთვისაც დაუკვეთეს მეფეთა პორტრეტები“.
|
|
“გიორგი გეგეჭკორის ფერწერული ნამუშევრები დაცულია მუზეუმებსა და სხვადასხვა დაწესებულებებში, აგრეთვე კერძო კოლექციებში საქართველოსა და მის ფარგლებს გარეთ;
მხატვარი ინტენსიურად მუშაობს პორტრეტულ ჟანრში. შესრულებული აქვს მრავალი ჯგუფური და ინდივიდუალური პორტრეტი.
1995 წლიდან მხატვარი მუშაობს ქართველ მეფეთა და გამოჩენილ მოღვაწეთა პორტრეტების სერიაზე – შექმნილი აქვს ამ სერიის 40–მდე ნამუშევარი“.
|
|
ბატონ გურამს მეფეთა პორტრეტებისა და მეფე წმინდანთა ხატების მთელი სერია აქვს შექმნილი. დახატული აქვს ასევე დედოფლები: ნანა, თამარი, ქეთევანი, შუშანიკი, რუსუდანი. ყველაფერი კი ასე დაიწყო: ქალაქ რუსთავის ადგილობრივი გაზეთის ჟურნალისტებმა ლერი ბარათელმა და თემურ კობახიძემ კალენდრისათვის გაერთიანებული საქართველოს მეფეთა პორტრეტები შეუკვეთეს. ამ დროს შექმნილი მეფეთა პორტრეტები გამოირჩეოდა მკვეთრი ინდივიდუალური ხასიათით. ყველა მეფეს ჰქონდა ორიგინალური, ვაჟკაცური და ამასთან მხოლოდ მისთვის დამახასიათებელი ხიბლი.
|
