ჩრდილოეთ ევრაზიის მომავლის რუკა

რუსეთის იმპერიის ხალხები ახლო მომავალში აუცილებლად განთავისუფლდებიან მრავალწლიანი მონობისაგან. როგორც ყოფილმა საბჭოთა რესპუბლიკებმა დააღწიეს თავი ნაძალადევ ერთობას, სულ მალე რუსეთის ფედერაციაში ძალად თავშეყრილი ერების ჟამიც დადგება.

უკვე იქმნება რუკები (იხ.სურათზე) მომავალი თავისუფალი სახელმწიფოების მონიშვნით დღევანდელი რუსეთის იმპერიის ტერიტორიაზე. შორს აღარ არის ის დრო, როდესაც თათარი და ბაშკირი, ავარელი და ყალმუხი, ბურიატი და ჩუვაში, იაკუტი და ჩუქჩა და მათთან ერთად კიდევ მრავალი ათეული ეროვნული და ეთნიკური ერთეული მოიპოვებს ნანატრ თავისუფლებას.

ამდენად, სრულიად ბუნებრივია რუსეთის ხელისუფლების შეშფოთება და ის პრევენციული ზომები, რომელთა მიღებასაც ცდილობენ იმპერიის სატახტოში ამ გარდაუვალი მოვლენის თავიდან ასაცილებლად.

სახელმწიფო ”დუმაში” შეტანილია კანონპროექტი, რომელიც ითვალისწინებს იურიდიულ პასუხისმგებლობას რუსეთის დაყოფისაკენ მოწოდებისათვის.

დოკუმენტის ავტორებს სურთ სისხლის სამართლის კოდექსს დაუმატონ ახალი მუხლი, რომლის ძალითაც სეპარატიზმის პროპაგანდა დაისჯება თავისუფლების აღკვეთით 3-დან 6 წლამდე, ხოლო საორგანიზაციო საქმიანობისა და სეპარატისტული მოწოდებებით საჯარო გამოსვლებისათვის  საინფორმაციო საშუალებებსა და ინტერნეტში სასჯელი ითვალისწინებს პატიმრობას 20 წლამდე ვადით.