ამ ორიოდე წლის წინ საქართველოს სტუმრობდა მონაკოს პრინცი - ალბერ II გრიმალდი - პრინც რენიე III-სა და ცნობილი ამერიკელი მსახიობის, გრეის კელის შვილი. მონაკოს პრინცმა ალბერ II-ემ საქართველოს ეროვნულ მუზეუმში დაცული საგანძური დაათვალიერა. სპეციალურად მისთვის გაიხსნა საცავი ოთახი, სადაც მილიონ 800 ათასი წლის წინანდელი თავის ქალები და პალეონთოლოგიური ნიმუშებია დაცული.

მაშინ ალბერ II-ემ გამოთქვა თავისი შთაბეჭდილებები :

”მადლობა ქართველებს ასეთი მასპინძლობისათვის. მე შემოვიარე საქართველოს სხვადასხვა მხარე - გავეცანი თქვენი ქვეყნის კულტურას; მათ შორის ვიყავი დმანისშიც, სადაც ვნახე უნიკალური ექსპონატები.

გაოცებული და, ამავდროულად, ბედნიერი ვარ, რომ საშუალება მომეცა მენახა მილიონ რვაასი ათასი წლის წინანდელი ადამიანის ჩონჩხი.

მე გატაცებული ვარ ანთროპოლოგიით, რადგან ჩემი წინაპარი პრინცი ალბერ პირველი ძალიან დიდი პალეონტოლოგი იყო.

ამიტომ, უძველეს ნივთებთან მე და ჩემს ოჯახს განსაკუთრებული დამოკიდებულება გვაქვს, რადგან მათში შეგვიძლია დავინახოთ ადამიანის განვითარების ისტორია.

ჩემი ქვეყანა მზად არის ხელი შეუწყოს ქართველი მეცნიერებისა და არქეოლოგების კვალიფიკაციის ამაღლებას და ამ სფეროს კიდევ უფრო განვითარებას”.