ფეხმძიმობაშიც კი ქეთრინ მიდლტონი არ ტოვებს საზოგადოებრივ ღონისძიებებს, მით უფრო, თუ საქმე ეხება სკაუტთა მოძრაობას. 20 აპრილს ის ეწვია სკაუტების სამეფო რაზმის შეკრებას. ჩვეულებისამებრ, ამ შეკრებებს ესწრება ხოლმე დედოფალი ელისაბედ II, მაგრამ მან ამჯერად ეს საპასუხისმგებლო მისია მიანდო მთელი ბრიტანეთისთვის საყვარელ კემბრიჯის ჰერცოგინიას. ქეთრინი შეხვედრაზე მივიდა ინგლისური „Mulberry“-ს სახლის ელეგანტურ პალტოში გამოწყობილი. ამ დღეებში ერთ-ერთმა მოდების ჟურნალმა იგი დაასახელა ცნობილ პირთა შორის ყველაზე მოდურ ფეხმძიმე ქალად. ამრიგად, წელს ქეთრინი იყო პასუხისმგებელი მოზრდილ სკაუტთა შორის, რომელთა რიცხვი ბრიტანეთში 2 800 კაცია. სკაუტთა სამეფო მოძრაობამ აღნიშნა არსებობის მე-80 წელი. შეფ-სკაუტმა, ბირ გრილსმა აღნიშნა:
„ჰერცოგინია მაგალითია მიბაძვისათვის. იგი დაეხმარა ჩვენს მოძრაობას იმის ნათელსაყოფად, რომ სკაუტები შეიძლება იყვნენ არა მხოლოდ ბიჭები. ის შესანიშნავი ნებაყოფლობითი სკაუტია და ჩვენ ვამაყობთ, რომ ჩვენს მეგობრულ სკაუტთა ოჯახში გვყავს ასეთი მნიშვნელოვანი სკაუტი“. მომავალში ქეთრინსა და უილიამს ვაჟი ეყოლებათ თუ ქალი, სულერთია - ბავშვი მიიღებს კლასიკურ ინგლისურ განათლებას და მეტად სავარაუდოა, რომ ვერც ის აუვლის გვერდს სკაუტთა მოძრაობას. რაც შეეხება ბავშვის დაბადების შემდგომ ხანას, ქეთრინმა განაცხადა, რომ ესურვებოდა მისი დაბადების პირველი კვირები და დეკრეტული შვებულება გაეტარებინა ბუნების წიაღში სოფელ ბაკლბერიში სადაც თავად აქვს პატარაობა გატარებული. ამავე დროს კენსინგტონის სასახლეში ამზადებენ ოთახს მომავალი ტახტის მემკვიდრისა და მისი მშობლებისათვის. | 
