ბრიტანეთის სამეფო ოჯახმა, ელისაბედ II-ის მეთაურობით მიიღო მონაწილეობა დიდი ბრიტანეთის უძველეს რაინდთა ორდენის - „წვივსაკრავის ორდენის“ კავალერთა ყოველწლიურ მსვლელობაში.   საზეიმო მსვლელობა მოეწყო ტრადიციისამებრ ვინძორის ციხრე-სიმაგრესთან. იქიდან დაიძრა პროცესია, რომლის შემადგენლობაშიც იყვნენ მისი უდიდებულესობა, პრინცი ჩარლზი, უილიამი, ედუარდი და ენდრიუ,  აგრეთვე პრინცესა ანა, უესექსის ჰერცოგინია სოფი და კორნუოლის ჰერცოგინია კამილა. აკლდათ მხოლოდ პრინცი ჰარი, რომელიც არ არის ამ რაინდთა ორდენის წევრი. საქმე ის გახლავთ, რომ „წვივსაკრავთა ორდენში“ შეიძლება ოყოს მხოლოდ 25 რაინდი, დედოფლის ჩათვლით. ორდენში ახალი რაინდები ჩნდებიან ამ ქვეყნიდან ძველი რაინდების გარდასვლის შემდეგ. რაინდად კურთხევა ხდება სწორედ მსგავსი პროცესიის დროს.
„წვივსაკრავთა ორდენი“ დაწესებულ;ია 1348 წელს მეფე ედუარდ III-ის მიერ.