„nv-news.com“-ის ცნობით, ბრიტანეთის სამეფო კარის მედიკოსები ერთსულოვანნი არიან პროგნოზებში - არ არის გამორიცხული, რომ კემბრიჯის ჰერცოგინიამ ვადაზე ადრე იმშობიაროს.

თუკი აქამდე იტყობინებოდნენ, რომ პირმშოს მოვლინების თარიღია 13 ივლისი, სინამდვილეში, შესაძლოა,  ბავშვი მთელი ათი დღით ადრე დაიბადოს.

პაპარაცები ვარაუდობენ, რომ ქეით მიდლტონი ბაძავს თავისი მეუღლის დედას - პრინცესა  დაიანას და  დაბადების თარიღი -  13 ივლისი გამოგონილია. თავის დროზე დაიანამ ასე მოატყუა ჟურნალისტები, როდესაც განაცხადა, რომ ელოდებოდა მშობიარობას მისსავე საკუთარ დაბადების დღეს - 1 ივლისს; მაგრამ უილიამი ათი დღით ადრე - 21  ივნისს დაიბადა. ახლა, აბეზარი ჟურნალისტებისგან თავდასახსნელად, გასაკვირი არ იქნება, რომ  ქეითიც დაიანას კვალს მიჰყვებოდეს.