ვიდრე ბრიტანეთი და მასთან ერთად მთელი მსოფლიო ელის ახალ ამბებს ბუკინგემის სასახლიდან, ბლოგერი ”schinat”-ი ავრცელებს შეტყობინებას, რომ პრინცმა უილიამმა აიღო შვებულება და გაფრინდა ვერტმფრენით თავისი სამხედრო  ბაზიდან ლონდონში, სადაც საცა არის იმშობიარებს მისი მეუღლე ქეთრინი.

ტაბლოიდების ინფორმაციით პრინცი დაესწრება მშობიარობას, ხოლო მასთან ერთად ქეთრინის გვერდით იქნებიან მისი დედა  და და - კეროლი და პიპა მიდლტონები.

მშობიარობის ზუსტი  თარიღის დადგენა ძნელია, რადგან ქეთრინმა უარი თქვა საკეისრო კვეთაზე.  პრესის გადაჭარბებული ყურადღების გამო არ ხმაურდება კლინიკის დასახელება, სადაც იმშობიარებს ქეთრინი. არსებობს ვერსია იმის შესახებაც, რომ კვალის ასარევად ქეთრინის ნაცვლად კლინიკაში გაგზავნიან მის ორეულს, ხოლო ჰერცოგინია ჰოსპიტალში მივა ინკოგნიტოდ.