ბრიტანელ სახელმწიფო მოხელეებს მომზადებული ჰქონდათ ემოციური მიმართვა ერისადმი, რომელიც უნდა წაეკითხა დედოფალ ელისაბედ II -ეს იმ შემთხვევაში, თუ ბირთვული ომი დაიწყებოდა. რეალურად დედოფალს არასოდეს წარმოუთქვამს ეს სიტყვები და, სავარაუდოა, რომ არც არასოდეს უნახავს. სიტყვა მომზადებული იყო 1983 წლის გაზაფხულზე. როგორც ”Associated Press”-ი იუწყება, ოჯახის ერთობის, ღმერთისა და პატრიოტიზმისკენ მოწოდებით, დედოფალს უნდა შეედუღაბებინა ერი საბჭოთა კავშირიდან მომდინარე ბირთვული იარაღით განადგურების საფრთხის პერიოდში. ”ჩვენ ყველამ ვიცით, რომ საშიშროებანი, რომლებიც დღეს ჩვენს წინაშეა, აღემატება იმათ, რომელთა წინაშეც გვიხდებოდა ყოფნა ჩვენი ხანგრძლივი ისტორიის განმავლობაში. მაგრამ რა საშინელებაც უნდა მოგველოდეს მომავალში, ჩვენ გვაქვს თვისებები, რომლებიც კვლავაც იქცევა ჩვენს ძალად და დაგვეხმარება თავისუფლების შენარჩუნებაში, როგორც ეს უკვე მომხდარა ორგზის ჩვენს მწუხარე საუკუნეში”, - ნათქვამია ცივი ომის დროინდელ ახლად გამჟღავნებულ დოკუმენტში. სიტყვა უნდა წაკითხულიყო 4 მარტს. ეს ერთხელ კიდევ უსვამს ხაზს მთელ სერიოზულობას, როგორადაც დასავლეთი ეპყრობოდა საბჭოთა კავშირთან შესაძლო ბირთვულ ომს. საგულისხმოა, რომ აშშ-ის პრეზიდენტმა რონალდ რეიგანმა სწორედ იმ წელს უწოდა საბჭითა კავშირს ”ბორიოტების იმპერია” და განალაგებინა ფრთოსანი რაკეტები ევროპაში, მათ შორის - დიდ ბრიტანეთში.
|
