| 09 აგვისტო 10:20 114 პრინცი უილიამი სულ ორიოდე კვირაა, რაც მამა გახდა. მაგრამ მას ჯერ არ მიუძღვნია ახალგაზრდა დედისათვის საჩუქარი. უილიამი ძალიან დიდხანს ფიქრობდა ამ თემაზე. ავტორიტეტული წყაროები იტყობინებიან - უილიამმა უკვე გადაწყვიტა მეუღლეს ძვირფასი გულსაბნევი აჩუქოს - შუაში ვარდისფერი ბრილიანტით. ის მიიჩნევს, რომ ეს ძალიან ლამაზი და ქალისათვის შესაფერისი საჩუქარი იქნება. თანაც, ყველაზე ზუსტად გამოხატავს სიტყვას: ”გმადლობთ!”ამბობენ, რომ კემბრიჯის ჰერცოგმა თვითონ მოიფიქრა გულსაბნევის დიზაინი, ხოლო რჩევას დაეკითხა მისი უდიდებულესობის იუველირს. როგორც ვარაუდობენ, ვარდისფერი ბრილიანტის იდეას უთუოდ მოიწონებს დიდედა - ელისაბედ II. ანალოგიური სამკაული მის კოლექციაშიც მოიპოვება. ითვლება, რომ დედოფლის გულსაბნევი ერთი ულამაზესთაგანია მსოფლიოში. ეს არის კანადელი გეოლოგის საქორწილო საჩუქარი 1947 წლისა. ამავე დროს, თუ პრინცი თავისი გადაწყვეტილების ერთგული დარჩება, ის მამის კვალზე გაივლის - როდესაც დაიანამ იმშობიარა უილიამზე, ჩარლზმა მას უსახსოვრა ალმასებისა და მარგალიტის ყელსაბამი, შუაგულში გულის გამოსახულებით. სურათზე: დედოფლის გულსაბნევი ვარდისფერი ბრილიანტით | 
