შვედური ციხის საკანი

გაზეთ ” Corriere della Sera”-ს ცნობით, შვედეთის სამეფოში უკვე ათი წელია პატიმართა რიცხვი ყოველწლიურად მცირდება არაანკლებ 1%-სა. ხოლო უკანასკნელი წლის მანძილზე ეს რაოდენობა შემცირდა მთლად 6%-ით და ეს ტემპები 2013 წლის მონაცემებით კვლავაც შენარჩუნდება.

”საქმე ეხება არა შეწყალებასა და ამნისტიებს. შვედეთში არ არსებობს ასეთი ზომების მიღების აუცილებლობა - უკანასკნელი წლების მანძილზე პატიმრების რიცხვი მცირდება ”ბუნებრივი გზით”. ვიმედოვნებ, რომ ამ ტენდენციის საფუძველში ძევს ჩევნი ძალისხმევა რეაბილიტაციისა და პროფილაქტიკის მიმართულებით”,  - მიიჩნევს შვედეთის პენიტენციარული სამსახურის ხელმძღვანელი ნილს ობერგი.

პატიმართა უკმარისობის” გამო შვედეთის ხელისუფლება იძულებულია დახუროს ოთხი საპატიმრო: Åby, Håja, Båtshagen и Kristianstad. ეს დაწესებულებები ან შეიცვლიან პროფილს, ან - გაყიდიან მათ კერძო პირებზე.

შვედეთში პატიმრების რიცხვი მცირდება კიდევ იმიტომაც, რომ მოსამართლეები ცდილობენ შედარებით რბილი განაჩენის გამოტანას იმ დანაშაულებისათვის, რომლებიც  ნარკოტიკებთან და ქურდობასთან არის დაკავშირებული. 2004 წლიდან 2012 წლის ჩათვლით მსგავსი მიზეზით დაკავებულთა რაოდენობა შემცირდა შესაბამისად 36%-ით და 12%-ით.

საგულისხმოა, რომ შვედეთი პატიმართა რიცხვით ერთ სულ მოსახლეზე გადაანგარიშებით 112-ე ადგილზეა მსოფლიოში (6364 პატიმარი, ანუ - 67 ყოველ 100 ათას მცხოვრებზე). შედარებისათვის მოვიტანთ რუსეთის მონაცემებს, რომელიც აშშ-სა და ჩინეთის შემდეგ მე-3 ადგილზეას 681 600 პატიმრით (ანუ ყოველ 100 ათას მცხოვრებზე 475 ადამიანით).