პრინცი ჰარი ჩავიდა ანტარქტიდაში, რათა მონაწილეობა მიიღოს საქველმოქმედო ექსპედიციაში სამხრეთ პოლუსზე. ის რამდენიმე დღეს დაჰყოფს რუსულ სადგურ ”ლაზარევსკაიაზე” აკლიმატიზაციისათვის და ახალ პირობებთან შესაგუებლად.

მიუხედავად იმისა, რომ  ერთი თვის წინ 29 წლის ჰარიმ ფეხის თითი მოიტეხა, მან არ გადადო თავისი საკმაოდ რთული და სახიფათო მოგზაურობა.

დეკემბრის დასაწყისში ანტარქტიდაში დაიწყება შეჯიბრი ბრძოლებში დაზარალებულ დიდ ბრიტანელ, აშშ-ის, ავსტრალიისა და კანადის სამხედრო მოსამსახურეთა შორის. 335-კილომეტრიანი ექსპედიციის ხანგრძლივობა სამხრეთ პოლუსზე მთელი 16 დღეა.

პრინცი ჰარი დიდი ხნის განმავლობაში ემზადებოდა ამ მოგზაურობისათვის: მან მთელი ერთი დღე-ღამე გაატარა ყინულის კამერაში, სადაც ტემპერატურა იყო მინუს 35 გრადუსი ცელსიუსით.

ასე რომ, უკვე მომავალი პარასკევიდან ჰარი დაიწყებს სამხრეთ პოლუსის კვლევას. საგულისხმოა, რომ 2011 წელს პრინცს უკვე დაპყრობილი აქვს ჩრდილოეთ პოლუსი.