შორეულ ბრიტანეთში დაიბადა უფლისწული ჯორჯი. ბავშვის დაბადებას მთელი ცხრა თვე დარაჯობდნენ მთელ ქვეყანაში. მის სახელზე იქმნებოდა საქველმოქმედო ფონდები და ასოციაციები, იწერებოდა წიგნები და იღებოდა ფილმები, ეწყობოდა სათამაშოები და იხატებოდა თეფშები. მთელი ბრიტანეთი - დიდიან-პატარიანად ათენ-აღამებდა სამშობიაროსთან,  პაპარაცები დაბადებასაც არ აცდიდნენ - ისე ცდილობდნენ მის მოთავსებას საკუთარ ობიექტივში. დაიბადა და ერთი ოჯახის სიხარული მთელი უზარმაზარი სამეფოს სიხარულად იქცა - ერის სიმბოლო  ცეროდენა არსებაში განსახიერდა!

საკუთარი სამშობლოდან შორს - პირენეის ნახევარკუნძულზე დაიბადა ჯორჯის თანამოსახელე უფლისწული. ბავშვის დაბადება თითქმის არც შეუტყვიათ მის ქვეყანაში - მოვლენამ ჩაიარა უზეიმოდ და უხმაუროდ. არც იმ შორეულ ქვეყანაში და არც სამშობლოში არ აუტალახებიათ პაპარაცებს უფლისწულის საძინებლის კარები. ერთი ოჯახის სიხარული ლამის მრავალ თანამდებთა განხეთქილების ვაშლად იქცა. ხოლო მისმა მშობელმა ხალხმა ვერ გაითავისა - რომ მოევლინათ ერის სიმბოლო, რომელიც მომავალში გამოიყვანს მათ ქვეყანას დავიწყებისა და სამყაროსაგან ვერცნობის ბნელეთიდან!