შარლოტა კაზირაგი და ფრანგული კინოს ვარსკვლავი გად ელმალეხი ვაჟის მშობლები გახდნენ. მონაკოს პრინცესა კაროლინას ქალიშვილმა იმშობიარა  ” Princess Garace's Hospital”-ში. ბიჭუნას სახელად დაარქვეს რაფაელი.

გადისთვის ეს უკვე მეორე ბავშვია - მას ჰყავს 12  წლის ვაჟი მსახიობ ანა ბროშესთან პირველი ქორწინების შემდეგ.

სხვათა შორის, შარლოტასა და ელმალეხის რომანი ბევრისთვის გასაკვირი აღმოჩნდა, რადგან გადი 15 წლით უფროსია შარლოტაზე. ამავე დროს ისიც აღსანიშნავია, რომ მათ ჯერ ქორწილი არ გადაუხდიათ.

როგორც შარლოტას ახასიათებენ, ის ძალიან ჭკვიანი ქალბატონი ბრძანდება. ელმალეხის გულახდილი აღიარებით:  ”მასთან შეიძლება საუბარი ყველაფერზე - დაწყებული ფილოსოფიის პრობლემებიდან სულ უბრალო საკითხებამდე. აქვს შესანიშნავი იუმორის გრძნობა - სადაც არ უნდა იმყოფებოდეს, კულტურულ ღონისძიებაზე იქნება თუ ტელევიზორის წინ, ისე შეუძლია იხუმროს, რომ შეიძლება სიცილისაგან ჩაბჟირდნენ მის გვერდით მყოფნი. მე ყველაზე ბედნიერი კაცი ვარ დედამიწის ზურგზე”.