დიდი ბრიტანეთის ჰერცოგინია ქეთრინმა და მისმა დამ - პიპა მიდლტონმა ახალი წლის დღესასწაულობა დაიწყეს ჯერ კიდევ 30 დეკემბრიდან, მეგობრებთან ერთად ბაკლბერიში.

როგორც ინსაიდერი იტყობინება  ჟურნალ ” People”-ისთვის მიცემულ ინტერვიუში, ”არც წითელი ხალიჩები და არც ფოტოაფეთქებები არ ყოფილა: ქეითი შესანიშნავად გამოიყურებოდა. ის გამუდმებით იცინოდა და ძალიან ბედნიერი იყო. ამას გარდა, 31 წლის ახალგაზრდა დედამ მშობიარობის შემდეგ უკვე დაიბრუნა  პირვანდელი ფორმა. ახლა ის უკეთაც კი გამოიყურება, ვიდრე მშობიარობამდე”.

მეგობრული შეხვედრები სრულიად  საპირისპირო გახლდათ  შობის დღესასწაულობისა, სადაც მთელი სამეფო ოჯახი იყო შეკრებილი, დედოფალ  ელისაბედისა და პრინც ჩარლზის ჩათვლით -  ოფიციალურ ვახშამზე დაცული  სამეფო კარის ეტიკეტითა და ტრადიციებით.