სამი დღის წინ ჰერცოგინია ქეთრინი აღნიშნავდა თავის 32-ე წლისთავს. მაგრამ მისთვის  ამ უმნიშვნელოვანესი თარიღის მეტი ნაწილი მან ქმრის გარეშე გაატარა - პრინცმა უილიამმა თვით მეუღლისათვის ამ სადღესასწაულო დღესაც კი არ გადადო მეცადინეობა კემბრიჯის უნივერსიტეტში.

იგი ”სასოფლო-სამეურნეო მენეჯმენტის” სწავლების 10-კვირიან კურსს გადის და კემბრიჯამდე საზოგადოებრივი ტრანსპორტით მგზავრობს, სადაც ის არაფრით გამოირჩვეა რიგითი მგზავრებისაგან. ამიტომ, არავის გაჰკვირვებია მისი დანახვა სადგურის პერონზე - დასრულდა თუ არა მორიგი სასწავლო დღე, ის გაემართა სახლისაკენ.

მანამდე კი, ვიდრე უილიამი მის გვერდით არ იყო, ჰერცოგინიასთან იყო  დედამისი - კეროლ მიდლტონი.  დედამ უამრავი საჩუქარი ჩამოუტანა ქალიშვილს: როგორც თვითმხილველები ირწმუნებიან, ქალბატონ მიდლტონს საათნახევარი გაუტარებია ლონდონის ერთ-ერთ უნივერმაღში. საჩუქრები მას ძირითადად კოსმეტიკის განყოფილებაში შეუძენია.