|
ხუან კარლოს I საკმაოდ გამოცდილი პილოტია, რომელსაც 10 ათასი საათი აქვს ნაფრენი, მათ შორის 3740 - ვერტმფრენებით. 2012 წლის 25 სექტემბერს ესპანეთის მეფემ, მისმა უდიდებულესობამ
ხუან კარლოს I-მა დე ბურბონმა შეასრულა პირველი გაფრენა კომპანია
Eurocopter-ის უახლეს ვერტმფრენ „NH90“-ით, რომელსაც ამზადებენ წარმოებისათვის
და ამჟამად გადის გამოცდას „Eurocopter“-ის
ქარხანაში ალბასეტში (Albacete).
ეს საფრენი მანქანა ესპანეთის საჰაერო-სამხედრო ძალებს (Spanish Army Airmobile Force (FAMET) უკვე
მომავალ წელს ექნებათ თავის მფლობელობაში.
უკანასკნელ ხანებში ქვეყანათა მმართველებში
პოპულარულია დამოუკიდებელი საცდელი გაფრენები,
კერძოდ, როდესაც საქმე ეხება ქვეყნის თავდაცვისათვის საჭირო საჰაერო ხომალდების შეძენას.
ხუან კარლოს I საკმაოდ გამოცდილი პილოტია, რომელსაც
10 ათასი საათი აქვს ნაფრენი, მათ შორის 3740 - ვერტმფრენებით.
ხუან კარლოსის საფრენოსნო კარიერა დაიწყო 1955 წელს
ფეხოსანთა, სამხედრო-საზღვაო ფლოტია და საჰაერო-სამხედრო ძალთა აკადემიებსა და სამხედრო
სკოლებში სწავლის დროიდან. მის საპატივცემულოდ აგებულია ესპანეთის უნივერსალური სადესანტო ხომალდი „ხუან კარლოს I“.
თავისი 74 წლის და 50-წლიანი საავიაციო სტაჟის მიუხედავად, ესპანეთის მეფე კვლავაც ახალგაზრდული
შემართებით ლაშქრავს საჰაერო სივრცეებს. | 
