„the Daily Mail“-ის ჟურნალისტებმა ჩაატარეს ექსპერიმენტები გვირგვინოსანთა სურათებით - თუ როგორები იქნებიან ისინი 30-40 წლის შემდეგ.

განსაკუთრებული ყურადღება ხვდა წილად კეიტ მიდლტონს - მისი წარმოსახვითი ფოტო  იმის მადასტურებელია, რომ იგი 60 წლის ასაკშიც ისეთივე მიმზიდველი იქნება, როგორიც ამჟამად არის.

მანამდე კი, მის ამჟამინდელ სილამაზეს ძალიან მოხერხებულად იყენებს მისი ორეული -       კეიტთან ფიზიკური მსგავსებით ერთმა უბრალო ოფიციანტმა გოგონამ ოცნებაში ნანატრი ბვშვობის ზღაპარი აიხდინა.  32 წლის ოფიციანტი ჰაიდი აგანი  ბედს ეწია - იგი როგორც ორი წვეთი წყალი, ისე ჰგავს  პრინც უილიამის მეუღლეს.

პრინცის კეიტ მიდლტონზე დაქორწინების შემდეგ  ოფიციანტს თავის პროფესიაზე უარის თქმა მოუხდა. იგი არავის გაუგდია სამსახურიდან. უბრალოდ,  ისე ხშირად ეშლებოდათ კემბრიჯელ ჰერცოგინიაში, რომ გადაწყვიტა ამ გზით ეშოვა ფული. ის ახლა ისევ დადის რესტორნებში, მაგრამ უკვე არა ოფიციანტის, არამედ სტუმრის როლში.  ყოველ ასეთ გამოჩენაში კეიტ მიდლტონის პოზაში ჰაიდის 650 ფუნტს უხდიან.