|
20 ოქტომბერს ლუქსემბურგში გაიმართება გრანდიოზული სამეფო
ქორწილი - ლუქსემბურგის დიდი საჰერცოგოს ტახტის
მემკვიდრე გიიომს ცოლად მოჰყავს ბელგიელი გრაფინია სტეფანი დე ლანუა.
პირველად ამ მონარქისტული ოჯახის ისტორიაში ქორწინების
ცერემონია შედგება მერიაში. მეორე დღეს ნეფე-დედოფალი
ჯვარს დაიწერს ღვთისმშობლის ცენტრალურ ტაძარში.
ქორწილისათვის ხელისუფლებამ გამოყო 350 ათასი ევრო.
ლუქსემბურგის სტუმრები იქნებიან ევროპის უავგუსტესი
პიროვნებები: ქორწილში მიწვეულნი არიან ნორვეგიის, ნიდერლანდების, შვედეთის, დიდი ბრიტანეთის,
დანიის, ესპანეთის და სხვა სამეფო ოჯახების წარმომადგენლები, მათ შორის იმ ქვეყნების მონარქებიც, რომელთაც არასოდეს
უმეფიათ თავის ცხოვრებაში - საბერძნეთისა და ბულგარეთის.
მემკვიდრე პრინცი გიიომი, რომელიც 31 წლისა სრულდება,
გახდება ნასაუ-ვაილბურგის დინასტიის მეშვიდე წევრი ლუქსემბურგის დიდი საჰერცოგოს ტახტზე.
გრაფინია სტეფანია დე ლანუა, რომელიც 28 წლისაა, ბელგიის ერთ-ერთი უძველესი არისტოკრატიული
ოჯახის წარმომადგენელია.
| 
