|
სამეფო კლუბის მიმართვა რომანოვების სამეფო დინასტიისადმი - მცოცავი ანექსიის შესახებ სამეფო კლუბი
საქართველოში, გორის რაიონის სოფელ ხურვალეთში ე. წ. საზღვრის აღმნიშვნელი აბრების დამონტაჟების შედეგად რუსეთის საოკუოპაციო ჯარის წარმომადგენლებმა, კვლავ მოახდინეს ადგილობრივი მაცხოვრებლების კუთვნილი დამუშავებული მიწის ფართობის მიტაცება და საუკუპაციო ზოლის გაფართოება.
მიუხედავად საზოგადოების აქტიური პროტესტისა, მიზანმიმართულად გრძელდება ქართული მიწების მიტაცება რუსეთის საოკუპაციო ძალების მხრიდან, რაც რუსეთის პოლიტიკის ნაწილად იქცა საქართველოსთან მიმართებაში .
იმედია რუსეთის სამეფო დინასტიის წარმომადგენლები, რომლებიც არიან ბაგრატიონების უახლოესი ნათესავები, თავის პროტესტს დააფიქსირებენ ამჟამინდელი რუსეთის მტაცებლური პოლიტიკის მიმართ, რადგანაც რომანოვებს კარგად მოეხსენებათ, რომ ჩრდილო ქართლის და აფხაზეთის ტერიტორია არის ძირძველი ქართული სახელმწიფოს ტერიტორიული ერთეულები და ამასთანავე წარმოადგენს ბაგრატიონების ლეგიტიმური ქართულ ტერიტორიას.
სამეფო კლუბის სახელით
საქართველოს სამეფო კლუბის დამსახურებული წევრი, უფლებადამცველი გიორგი თევზაძე |
|
