|
იაპონიის იმპერატორი ტახტიდან გადადგება georoyal.ge
იაპონიის პარლამენტმა მიიღო კანონი, რომლის მიხედვით იაპონიის სახელმწიფოს მეთაურს, 82 წლის იმპერატორ აკიჰიტოს, შეეძლება გადადგომა თავისი მემკვიდრის, 59 წლის ნარუჰიტოს სასარგებლოდ. ამ კანონის მიღება გამოიწვია იმან, რომ იაპონიის კანონმდებლობით, იმპერატორის მმართველობა შეიძლება დამთავრდეს მხოლოდ მისი გარდაცვალების შემთხვევაში.
იმპერატორმა აკიჰიტომ ტელევიზიით მიმართა თავის ხალხს:
"მე უკვე 80 წელს გადავაბიჯე, საბედნიეროდ ჯანმრთელად ვარ. თუმცა, როცა ვფიქრობ ხოლმე ჩემი ჯანმრთელობის მდგომარეობაზე, რომელიც თანდათან გუარესდება, ვდარდობ, ალბათ, გამიჭირდება შევასრულო ჩემი, როგორც სახელმწიფოს სიმბოლოს მოვალეობა, მთელი მონდომებით, როგორც ამას ვახერხებდი ადრე..."
თავის გამოსვლაში მას არ დაუკონკრეტებია გადადგომის თარიღი, თუმცა 1 დეკემბერს იაპონიის პრემიერ-მინისტრმა სინძო აბემ განაცხადა, რომ იმპერატორი აკიჰიტო გადადგება 2019 წლის 30 აპრილს.
იმპერატორი აკიჰიტო დაიბადა 1933 წელს. იგი არის იაპონიის 125 იმპერატორი. მათი დინასტია მართავს ქვეყანას ძვ. წ. აღ.-ის 660 წლიდან.
126-ე იმპერატორი, ნარუჰიტო ტახტზე ავა 2019 წლის 1 მაისს.
|
|
