დიდი ბრიტანეთის პრინც უილიამის მეუღლეს ფეხმძიმობამ შეცვალა სამეფო წყვილის ცხოვრების განრიგი. 

ქეით მიდლტონის ფეხმძიმობა ძალიან სასიხარულო ამბავია დიდი ბრიტანეთის პეტრიოტებისათვის, თუმცა, პრინცესას ფეხმძიმობა, როგორც ცნობილია რთულად მიმდინარეობს, პრესაში გამოჩნდა ცნობა, რომ ქეითს „დილის ტოკსიკოზი“ აწუხებს, ამის გამო, მას მოუწია რამდენიმე დღე საავადმყოფოში ყოფნა...

საზოგადოების ინტერესის დაკმაყოფილება გადაწყვიტა ქეითის მეუღლემ, პრინცმა უილიამმა. მან დაარღვია დუმილი ამ საკითხზე და საქველმოქმედო მიღებაზე Winter Whites Gala საქველმოქმედო ფონდის პრეზიდენტს მაიკლ ო’ჰიგენს მეუღლის ჯანმრთელობაზე ესაუბრა.

მაიკლ ო’ჰიგენსმა კი ამბავი ჟურნალისტებს გააცნო:

- „უილიამმა თქვა, რომ არ ღირს ქეითის პრობლემას ვუწოდოთ დილის ტოკსიკოზი. ეს არის, როგორც დღის, ისე ღამის ტოკსიკოზი“

ქეითის ჯანმრთელობის მდგომარეობის გამო სამეფო წყვილს მოუწია უარი ეთქვა სხვადასხვა ღონისძიებაში მონაწილეობაზე, რაც სამეფო ოჯახის წევრთა მოვალეობაა, თუმცა, ბრიტანელები იმედოვნებენ, რომ პრინცესას ჯანმრთელობა მალე გაუმჯობესდება და მას კვლავ იხილავენ ხალხის გვერდით.