შაბათ დილით ინდოეთში გადაასვენეს ექთან იასინტა სალდანხის ცხედარი. როგორც ვიცით, მან თვითმკვლელობით დაასრულა სიცოცხლე მას შემდეგ, რაც რადიოსადგურ 2Day fm-ს ჟურნალისტებმა გამოსტყუეს ინფორმაცია კემბრიჯის ჰერცოგინია ქეით მიდლტონის  ჯანმრთელობასთან დაკავშირებით, როცა ჰერცოგინია ფეხმძიმობის გართულების გამო საავადმყოფოში მკურნალობდა.

სალდანხის დაკრძალავენ კვირას ინდოეთის ქალაქ მანგალორში. 46 წლის ექთანს დარჩა ორი შვილი. გარდაცვლლილს ჯიბეში აღმოუჩინეს  სიკვდილამდე დაწერილი ორი ბარათი. პირველ ბარათში ის შეფასებას აძლევს რადიოწამყვანების საქციელს. მეორეში გამოთქვამს სურვილს თავის დაკრძალვასთან დაკავშირებით.  მოგვიანებით  გარდაცვლილის ნივთებში ნახეს კიდევ ერთი წირილი, რომელშიც მედდა ცდილობდა აეხსნა, თუ რატომ გადაწყვიტა თავის ჩამოხრჩობა.

გამომძიებლის თქმით, კოლეგების გაუთავებელ  დაცინვასა და გესლიან გამონათქვამებს ვეღარ გაუძლო მედდამ . ის ცდილობდა თანამშრომლებთან ურთიერთობის მოგვარებას, მაგრამ უშედეგოდ.

ზემოთხსენებულ ორ რადიოწამყვანს უამრავი ადამიანი  ადანაშაულებს  მკვლელობაში, მათ მიმართ ისმის მუქარაც.  „ხუმარა“ წამყვანები სამსახურიდან  დაითხოვეს. მათთან ფსიქოლოგები მუშაობენ, რადგან მათაც ძალიან მტკივნეულად განიცადეს თავისი ჟურნალისტური ხუმრობის შედეგი - მედდას გარდაცვალება.

ავსტრალიის კავშირისა და მასობრივი კომუნიკაციის სამსახურმა დაიწყო გამოძიება რადიოსადგურ 2Day FM-ის საქმიანობასტან დაკავშირებით

როგორც ვთქვით, „ხუმარა“ ჟურნალისტების გრეიგისა და კრისჩენის საქმიანობა თავად რადიოსადგურმა შეაჩერა, მათი გადაცემა კი დაიხურა.

რადიოსადგურის ხელმძღვანელობამ განაცხადა, რომ 500 000 დოლარს გადასცემს გარდაცვლილი მედდას ოჯახს.