ესპანეთის დედოფალი სოფია, რძალთან, ქალიშვილებთან და შვილიშვლებთან ერთად ეწვია თეატრს „კოლიზეი დე მადრიდს“, სადაც დაესწრნენ მუზიკლს „მუსიკის ჰანგები“.

სამეფო ოჯახმა ბილეთები კარგა ხნით ადრე შეიძინა, ვინაიდან სპექტაკლზე ანშლაგი იყო მოსალოდნელი. არც თეატრის ადმინისტრაცია, არც მსახიობები და არც მაყურებელი გაფრთხილებული არ ყოფილა მათი სტუმრობის შესახებ და ეს სასიამოვნო სურპრიზად იქცა მათთვის.

სპექტაკლის დასრულების მერე სამეფო ოჯახის წევრები კულისებში შევიდნენ და მიულოცეს მსახიობებს.

როცა დედოფალი ქუჩაში გავიდა, ხალხმა სიხარული ვერ დაფარა და ოვაციით შეხვდა.

მისი ოჯახის წევრების მისამართითაც გაისმოდა გულთბილი შეძახილები.