ბრიტანეთის სამეფო
ტახტის რიგით მესამე მემკვიდრე, პრინცი ჰარი
სამშობლოში დაბრუნდა ავღანეთიდან, ის ოთხი თვის განმავლობაში ჯარში მსახურობდა
ვერტმფრენის მეორე პილოტად.
ინტერვიუებში, რომლებიც
ჩაწერილია ჰელმანდის პროვინციაში არსებულ კემპ- ბასტიონის სამხედრო ბაზაში, პრინცი
საუბრობს იმის შესახებ, თუ რას გრძნობდა მაშინ, როცა ესვროდა თალიბ ტერორისტებს.
მან თქვა, რომ ზოგჯერ
იძულებული ხარ ვიღაცას მოუსწრაფო სიცოცხლე, იმისათვის რომ სხვა ადამიანების სიცოცხლე
იხსნა. აქედან გამომდინარე რთული სათქმელია, პრინცს შემოაკვდა თუ არა მტერი ავღანეთში
ყოფნის დროს.
ბრიტანეთის დედოფლის შვილიშვილი ბოდიშს იხდის იმ
ფოტოების გამო, რომელიც მას ლას-ვეგასში შიშველს გადაუღეს. შემდეგ კი პრინცის ავღანეთში
წასვლამდე ცოტა ხნით ადრე საჯაროდ გამოაქვეყნეს.
- „როგორც ჩანს
ვუღალატე ჩემს თავს, ოჯახს და საზოგადოებას“... „მე არა პრინცივით მოვიქეცი, არამედ
სამხედროსავით“... - განაცხადა მან. თუმცა, თავს იმით იმართლებს, რომ კერძო ტერიტორიაზე
იყო და ეგონა პრივატულობა დაცული იქნებოდა.
ჰარიმ უკმაყოფილება
გამოხატა თავისი პირადი ცხოვრებით დაინტერესებული მედიის მიმართ, რომელიც მას თავისუფლად
ამოსუნთქვის საშუალებასაც კი არ აძლევს. და არა მარტო მას, არამედ მის ძმას და რძალს.
ჰარი ამბობს, რომ ავღანეთში ყოფნის პერიოდი ყველაზე უფრო ნორმალური დროა მის ცხოვრებაში, რადგან მას
ისე ეპყრობოდნენ, როგორც დანარჩენ სამხედრო მოსამსახურეებს. |