შვედეთის სამეფო ოჯახმა გამოაქვეყნა პატარა პრინცესა ესტელის ახალი სურათები, რომელსაც 23 თებერვალს 1 წელი შეუსრულდა.

პირველ დაბადების დღესთან დაკავშირებით პაწაწინა პრინცესას ფოტოები გადაუღეს. სურათებზე კარგად ჩანს, რომ ესტელი მხიარული ბავშვია და ძალიან უყვარს ყურადღების ცენტრში ყოფნა, კამერის წინ პოზირება.

როგორც ჩვენს მკითხველს ადრე ვუამბეთ, პრინცასა ესტელი გახლავთ კრონპრინცესა ვიქტორიასა და მისი მეუღლის, პრინც დანიელის ქალიშვილი. მისი ტიტულია ჰერცოგინია ესტელი.

გავიხსენოთ: ესტელის დედა გახლავთ უფროსი ქალიშვილი შვედეთის მეფის კარლ-XVI გუსტავისა და დედოფალ სილვიასი.

 შვედეთის სამეფოს მართავს ბერნადოტების გვარი - შვედეთის სამეფო დინასტია, რომელსაც დასაბამი მისცა ნაპოლეონ I-ის მარშალმა ჟან ბატისტ ჟიულ ბერნადოტმა, რომელიც 1810 წელს შვედეთის რიქსდაგმა უშვილო კარლ XIII-ის მემკვიდრედ აღიარა.

 კრონპრინცესა ვიქტორია 34 წლის ასაკში გახდა დედა. მისი პატარა პრინცესას სრული სახელია ესტელ სილვია ევა მერი, შვედეთის პრინცესა, ესტერგოთლანდის ჰერცოგინია (Estelle Silvia Ewa Mary, prinsessa av Sverige, hertiginna av Östergötland).