| პრინცი ჩარლზი ფლობს ფრანგულს, გერმანულს და ვალიურს. პრინცმა გადაწყვიტა შეისწავლოს არაბული ენა. მისი მიზანია - დაეუფლოს არაბულ დამწერლობას და შეძლოს ლიტერატურის ორიგინალში გაცნობა. თუმცა, ჯერჯერობით სწავლაში არ უმართლებს. თავის ინტერესს არაბული ენის მიმართ პრინცი პოლიტიკური თვალსაზრისით რეგიონის მიმართ დაინტერესებითაც ხსნის. ამის თაობაზე მან ისაუბრა ახალგაზრდებთან შეხვედრაზე ყატარში. ყატარის ენერგეტიკის მინისტრმა მუჰამედ ბინ სალეხ ალ-სადამ, რომელიც ამ შეხვედრას ესწრებოდა, განაცხადა, რომ სწავლა არასოდეს არ არის გვიან. ეს მას შემდეგ მოხდა, რაც პრინცმა დაიჩივლა, რომ რამდენჯერმე მოუკიდია არაბულის სწავლისთვის ხელი, მაგრამ ყოველთვის წარუმატებლად. |
