1770 წლის 3 აგვისტოს, პოტსდამში დაიბადა პრუსიის მომავალი მეფე ფრიდრიხ ვილჰელმ III ფონ ჰოჰენცოლერნი (Friedrich Wilhelm von Hohenzollern), მეფე ფრიდრიხ ვილჰელმ II-ის ძე.  

1797  წელს ავიდა ტახტზე.

1806 წელს შეუერთდა მეოთხე ანტიფრანგულ კოალიციას. ტილზიტის ზავით, (1807 წ.) ნაპოლეონ I-ს დაუთმო პრუსიის ტერიტორიის ნახევარი. 1807-1814 წწ. იძულებული გახდა გაეტარებინა რამდენიმე რეფორმა. მისმა ჯარმა, იძულებით მონაწილეობა მიიღო რუსეთში ნაპოლეონის ლაშქრობაში 1812 წელს. 

ნაპოლეონის რუსეთში დამარცხების შემდეგ 1813 წლის მარტში ომი გამოუცხადა საფრანგეთს. 

მონაწილეობდა ვენის კონგრესში. ვენის კონგრესის (1814-1815 წწ.) გადაწყვეტილებით მიიღო რაინის ოლქი, ვესტფალია და საქსონიის მნიშვნელოვანი ნაწილი.ნ

მეფე ხალხს პირდებოდა კონსტიტუციას, მაგრამ მრჩევლების ზეწოლის შედეგად ეს არ მოხდა.

 გარდაიცვალა  1840 წლის 7 ივნისს, ბერლინში.