|
დავით აღმაშენებლის მძახალი, ბიზანტიის იმპერატორი ალექსი I კომნენოსი
 | | მაცხოვარი აკურთხებს ალექსი I-ს. XII-XIV მინიატურა | 1118 წლის 15 აგვისტოს გარდაიცვალა დავით აღმაშენებლის მძახალი, ბიზანტიის იმპერატორი 1081-1118 წლებში ალექსი I კომნენოსი.
დაიბადა 1056 წელს.
მიუხედავად იმისა, რომ ის არ იყო კომნენოსების დინასტიის ფუძემდებელი, მხოლოდ მისი მმართველობის ჟამს მოახერხა კომნენოსების ოჯახმა ძალაუფლების მთლიანად ჩაგდება ხელში. ალექსი I-მა მემკვიდრეობით მიიღო იმპერია, რომელიც ნგრევას განიცდიდა და მუდმივ საომარ მოქმედებებში იყო ჩართული ორივე ფრონტზე — აღმოსავლეთით სელჩუკების, ხოლო დასავლეთით ნორმანების წინააღმდეგ. ალექსიმ შეძლო, რომ მყისიერად შეეჩერებინა ბიზანტიის დაკნინება და დაიწყო სამხედრო, ფინანსური და ტერიტორიული აღორძინება, რასაც კომნენოსთა რესტავრაცია ეწოდა. მისი თხოვნები დასავლეთ ევროპის მიმართ, რომ თურქების წინააღმდეგ დახმარებოდნენ იყო ის კატალიზატორი, რამაც აამოქმედა ჯვაროსნული ლაშქრობები.
ალექსი კომნენოსის მეორე ვაჟს, ისააკს ცოლად ჰყავდა დავით აღმაშენებლის ასული კატაი. მათი შთამომავლები თამარ მეფემ გაამეფა ტრაპიზონ-ლაზეთის იმპერიაში. |
 | | ალექსი I |
 | | დავით აღმაშენებლის სიძე ისააკი |
|
