15 დეკემბერს არის დუშან ნემანის ძის, სერბეთის მეფე სტეფანე უროშის ხსენების დღე. იგი  დაიბადა 1337 წელს. სტეფანისათვის მისმა მამამ, დუშანმა საფრანგეთის მეფეს სთხოვა  ასულის ხელი, მაგრამ რომის პაპმა არ მისცა პრინცესას კათოლიკობიდან განდგომის უფლება. დუშანს კი არ სურდა კათოლიკე რძლის ოჯახში ყოლა და უროშმა ცოლად მოიყვანა ვალახთა თავადის, ვლადის ქალიშვილი.

მამის სიკვდილის შემდეგ (+1355) სტეფანე უროში გახდა სერბეთის დამოუკიდებელი და ქმედითუნარიანი გამგებელი.  ის სათნოეყოფოდა უფალს, განიკითხავდა ქვრივ-ობოლს,  ყოველგვარ სადავო საკითხებს კეთილად აგვარებდა, ღარიბებს წყალობას არ აკლებდა, დაჩაგრულთ მფარველობდა.

სერბეთში მშვიდობიანობის დასაცავად და საკუთარი სიცოცხლის გადასარჩენად იგი იძულებული ნგახდა შეხიზნულიყო ნათესავთან, თავად ლაზარესთან და მაშინვე მისი ტახტი დაიკავა  ვულკაშინმა - სტეფანეს ბიძამ, რომელსაც ამ ნაბიჯის შემდეგ  მეტოქეობის შიში  მოსავენებას არ აძლევდა.   საკუთარი დის -  სტეფანეს დედის  შუამავლობით, ვითომცდა შერიგებისათვის,   დისშვილი თავისთან დაიბარა სკოპლეში. ვულკასინმა სტუმარი მიიღო როგორც მეფეს შეშვენოდა - პატივითა და დიდებით და სანადიროდ დაპატიჟა. როდესაც ნადირობით დაღლილი სტეფანე ცხენიდან ჩამოვიდა და წყლის დასალევად ჭისკენ დაიხარა, ვულკაშინმა სასიკვდილოდ დაჰკრა თავში კვერთხი. ეს მოხდა 1367 წელს.