ახლა შენი ისტორია ბარიკადზე იწერება,
მაიდანზე იწერება სისხლიანი ასოებით,
გმირებისთვის ბოლო სხივი სინათლისა იწვერება...
მე ქედს გიხრი, უკრაინავ, სევდიანი სასოებით!..
კავკასიის, საქართველოს გესალმები მთებიდანა,
მე ქედს გიხრით, კობზარებო, ბანდერებო, მახნოებო,
მეც თქვენსავით მოსკალებზე ჯავრმა ბევრჯერ ამიტანა
და ვლოცულობ, გამარჯვება თქვენი მალე ახდებოდეს!
წინ, წინ, იარ, მედგრად, მტკიცედ
ლურჯ-ყვითელი დროშით მაღლა!
მეც შენთან ვარ, გმირო ერო, ჩემი ხმალით - ჩემი ჩანგით,
მეიდანზე ჩვენი ბედი ერთად წყდება, ძმებო, ახლა,
გვეყო დღემდე რაც რუსისგან უმოწყალოდ დავიჩაგრეთ!
გაგიმარჯოს, უკრაინავ! მარჯი, უკრაინის ერო!
მიზანს გამაჯვება შენსას! ბრძოლას გამარჯვება შენსას!
შენ ღირსი ხარ ჰიმნი შენი თავისუფლად დაამღერო!
შენ ღირსი ხარ, გამარჯვების ვრცელი სადღეგრძელო შესვა!.. |
