|
Небесная сотня მიხეილ ღანიშაშვილი
ვუძღვნი ევრომაიდანზე აღსრულებულთა ნათელ ხსოვნას
ცისკენ მიდის მაიდანზე
წამებულთა გრძელი დასი,
თან მიჰყვება ხალხის გლოვა -
ცხელი ცრემლით სავსე თასი!..
მარადიულ სიცოცხლისკენ
მიდის ასი მეგობარი,
უკრაინის დაცვისათვის
მოსკალების ტყვიით მკვდარი!
მხოლოდ უკრაინისათვის
არ მომკვდარხართ რაინდები,
საქართველოსთვისაც მოკვდით,
ჩვენშიც სანთლად აინთებით!
ჩვენც ვებრძოდით, ქართველები,
კრემლის ჯალათს თქვენთან ერთად,
ჩემი ქვეყნის სამი გმირი
ამიტომაც შეგიერთდათ!..
ჩვენც გაცილებთ და სტრიქონებს
სამძიმარის ცრემლად გათოვთ...
უფლის დიად სამყოფელში
ღმერთმა გზები გაგინათოთ!..
|
|
