ისევ სიყვარულს დავუბრუნდები,

ვინმეს დავუწყობ კარებთან ვარდებს,

მეახლებიან ისევ ფიქრები

და გული ჩემი ისევ იდარდებს.

ჰოჲ, სიყვარულო! მე სამუდამოდ

  მინდა დავმკვიდრდე შენს საუფლოში;

  მინდა შევიქმნა უნაზეს მსხვერპლად

  ყოველ სივრცეში და ყოველ დროში.

მე ისევ გავცემ, რომ სიყვარულის

არ დაიკარგოს არც ერთი გზნება;

ჩემი სიცოცხლე მთლად სურვილია -

ჩემი სურვილი კი უკვდავება.

1991 წელი