ღირსმოწამე ათანასე ბრესტელი, რომლის ხსენებაც არის 18 სექტემბერს, დაიბადა 1597 წელს ფილიპოვიჩების კეთილშობილ ქრისტიანულ ოჯახში. ტომით იყო ბელორუსი. მიღებული ჰქონდა  სერიოზული განათლება - შესანიშნავად იცოდა საღვთისმეტყველო და ისტორიული ლიტერატურა.

1627 წელს ათანასე ბერად აღიკვეცა . მართლმადიდებლობისადმი ერთგულების გამო ღირსმა მამამ ბევრი წყენა გადაიტანა უნიატებისგან და არაერთგზის იყო დაპატიმრებული ხელისუფალთა მიერ.

უნიის დაწყევლისათვის წმინდანს მოუწყეს სასამართლო და მიუსაჯეს სიკვდილი.

ღირსი მამა ათანასე 1648 წლის 5 სექტემბერს აღესრულა მოწამეობრივად.