1992 წლის თებერვალი იყო მგონი. აწ გარდაცვლილი, თემურ ჩახავა გროზნოში იყო ჩასული ზვიად გამსახურდიასთან და შეხვედრის დასრულებისას უთხრა მას: "გია მამალაძე აპირებს თქვენთან ჩამოსვლასო". ზვიადს უპასუხია: - "ჩამოვიდესო" და და გასულა ოთხიდან დერეფანში. თემურიც სხვა მხარეს გაემართა;. ერთი-ორი წამის მერე მობრუნებულა პრეზიდენტი თემურისკენ და დაუმატებია - "ბავშვს (მე მგულისხმობდა) ფული არ ექნება... თქვენ ჩამომიყვანეთო!" ბავშვი არ ვიყავი, უკვე 26 წლის გახლდით, მაგრამ ზვიადი ასე მიიჩნევდა.
ასეთი დამოკიდებულება ჰქონდა ახალგაზრდების მიმართ, ზრუნავდა ადამიანებზე, ყველაფერი იცოდა და ყველაფერს ხვდებოდა ზვიადი! | 
