ძლიერი ქართული სახელმწიფოს ჩამოყალიბება, რომელშიც სრულად იქნება გათვალისწინებული, როგორც ჩვენი ერის ისტორიული გამოცდილება და სახელმწიფოებრივი ტრადიციები,ისე თანამედროვე დემოკრატიის მონაპოვარი წარმოუდგენელია ქვეყანაში სამეფო ინსტიტუტის აღდგენის გარეშე. 
საქართველოში სახელმწიფოებრივი მოწყობის ფორმად კონსტიტუციური მონარქიის დამყარების შემთხვევაში გარანტირებული იქნება:
- ეროვნული და სახელმწიფოებრივი ინტერესების უპირობო დაცვა.
- მართმადიდებლურ ეკლესიაზე ზრუნვა, საზოგადოებრივ ცხოვრებაში რელიგიის აუცილებელი როლის გათვალისწინებით.
- ქვეყნის საგარეო და საშინაო პოლიტიკური სტაბილურობა, რაც თავისთავად გამოიწვევს ეკონომიკურ განვითარებას.
-სხვადასხვა სწორი და თანმიმდევრული პოლიტიკური და ეკონომიკური მექანიზმების მეშვეობით საქართველოს ტერიტორიული მთლიანობის ჯერ აღდგენა, შემდეგ კი ერთიანობა.
-მრავალსაუკუნოვანი ქართული ეროვნული, პოლიტიკური, კულტურული და სამეურნეო ტრადიციების აღდგენა-აღორძინება, რაც სასიცოცხლოდ მნიშვნელოვანია დღევანდელი გლობალიზაციის პერიოდში.
-ქვეყანაში მოქმედ ყველა პოლიტიკურ ძალასა და ჯგუფს შორის კონსესუსის მიღწევის შესაძლებლობა. კონსერვატიული პოლიტიკური ფილოსოფიის ძირითად ღირებულებათა საფუძველზე სახელმწიფოს პოლიტიკურ სისტემაზე ზრუნვა.
-ქვეყანაში დემოკრატიული, სამართლებრივი, კანონის უზენაესობაზე დამყარებული სახელმწიფოს ღია საზოგადოებისა და თავისუფალი საბაზრო ეკონომიკის ჩამოყალიბება

საბოლოო მიზანი კი უნდა იყოს - ქვეყნის მოწყობა მისი ისტორიული გამოცდილებისა და სასიცოცხლო ინტერესების შესაბამისად.