| 22 მაისს ისლამისტი ექსტრემისტების მიერ ჯარისკაც ლი რიგბის მკვლელობის შემდეგ დიდი ბრიტანეთის სპეცსამსახურებმა გააძლიერეს პრინც ჰარის დაცვა. საფრთხის კიდევ ერთი მიზეზია იმ ადამიანის დაპატიმრება, რომელიც პრინცს სიკვდილით ემუქრებოდა. ეს ბრალდება ეხება აშრაფ ისლამის სახელით ცნობილ ბრიტანული სამეფოს ქვეშევრდომს. სკოტლანდ-იარდის წარმომადგენლებმა დაადასტურეს, რომ სხვა რელიგიაში გადასვლამდე ამ კაცს ერქვა მარკ თაუნლი. ის დაპატიმრებულია 23 მაისს, თუმცა ამის შესახებ მხოლოდ ახლა გახდა ცნობილი. ” ИТАР-ТАСС”-ის ცნობით, უკანასკნელი 10 დღის განმავლობაში ჰარის მთელი დღე-ღამის განმავლობაში დაჰყვებიან მცველები, რომლებიც შეკრებილნი არიან სპეციალური საავიაციო სამსახურის თანამშრომელთაგან. მათთვის ცნობილი გახდა, რომ ”ალ-ქაიდას” მომხრეები აწყობენ ჰარის გატაცების გეგმებს. ჰარი მას შემდეგ გახდა ექსტრემისტთა სამიზნე, რაც უკვე ორჯერ - 2008 და 2012 წლებში იმყოფებოდა საბრძოლო მივლინებებში ავღანეთში - სამხედრო ვერტმფრენის პილოტის რანგში, ხოლო დაბრუნებისას არ დაუმალავს, რომ მონაწილეობდა სამხედრო ოპერაციებში და ანადგურებდა თალიბებს. | 
