ბატონო ბიძინა, საქართველოს სამეფო კლუბი კატეგორიულად მოითხოვს, თქვენ მიერ კონტროლირებადმა მთავრობამ არ დაუშვას მიგრანტების შემოყვანა საქართველოში და შეწყვიტოს საქართველოს მოქალაქეობის მარტივად გაცემა უცხოელებზე. საქართველოში უცხოელების შემოსვლამ და დამკვიდრებამ უკვე არნახული მასშტაბი მიიღო. ჩვენი სამშობლო ამას ვეღარ გაუძლებს. სიღარიბის გამო უამრავი ქართველი გარბის სამშობლოდან და შესაძლოა დემოგრაფიული ვითარება კატასტროფულად შეიცვალოს. საქართველოს ჰყავს 300 000 დევნილი მოქალაქე, რომლებიც რუსეთის იმპერიამ, თავისი არმიის მეშვეობით და ადგილობრივი სეპარატისტ-ტერორისტების ხელით გამოდევნა საკუთარი სახლებიდან და სამშობლოში დევნილებად აქცია. საქართველოს სახელმწიფოს არ აქვს არც ფინანსური და არც სხვა რესურსი მიიღოს მიგრანტები და სხვები. საქართველოს ბიუჯეტს არ აქვს იმის შესაძლებლობა, რომ დახმარება გაუწიოს მიგრანტებს. ჩვენ არც უცხოეთიდან მიღებული ფული გვჭირდება მიგრანტების დასახმარებლად, რადგან, თუ საზღვარგარეთის ორგანიზაციებს სურთ ჰუმანურობა გამოიჩინონ, მაშინ დაეხმარონ სოხუმისა და ცხინვალის რეგიონებიდან დევნილ ადამიანებს, რომელთა დიდი ნაწილი საკმაოდ ღარიბია. გარდა ამისა, საქართველოს ტერიტორია ძალიან მცირეა და ჩვენ ვერ შევძლებთ მიგრანტების დასახლებასა და დასაქმებას, ისედაც, ათი ათასობით საქართველოს მოქალაქეს არ აქვს სამსახური, არა აქვს შემოსავალი, არ აქვს დასამუშავებელი მიწა და არ აქვს საცხოვრებელი სახლიც კი. მიგრანტების შემოყვანა საქართველოში იქნება საქართველოს მოქალაქეების წინააღმდეგ მიმართული ქმედება! იქნება საქართველოს სახელმწიფო ინტერესების წინააღმდეგ მიმართული ქმედება! იქნება ჰუმანიზმისა და ადამიანობის წინააღმდეგ მიმართული ქმედება, რადგან, დააზარალებს, ისედაც ძალიან დაზარალებულ საქართველოს მოქალაქეებს! ბატონო ბიძინა, თუ საქართველოს მთავრობა დაუშვებს თუნდაც რამდენიმე ასეული მიგრანტის შემოსვლას საქართველოში, პასუხს ქართველი ხალხი მოგთხოვთ თქვენ, რადგან თქვენ ხართ მმართველი პარტიის ლიდერი და ქვეყანაში მიმდინარე ყველა პროცესზე პასუხისმგებელი! თუ კვლავ ადვილი იქნება უცხოელებისთვის საქართველოში მოქალაქეობის მიღება, ამაზეც პასუხის ქართველი ხალხი მოგთხოვთ თქვენ, მმართველი პარტიის ლიდერს და ხელისუფლების დამკომპლექტებელს! ამას ძალიან კარგად გამოიყენებენ ისინი, ვისაც უნდათ თქვენი მთავრობის დამხობა და თქვენზე შურისძიება. უნდა აღკვეთოთ მიგრანტების შემოსვლა და საქართველოს მოქალაქეობის ადვილად მიცემა სხვა ქვეყნის წარმომადგენებისათვის! ველით განცხადებებს, ველით ქმედით ზომებს, თან სასწრაფოდ! სამეფო კლუბის სპიკერი გაიოზ მამალაძე | 
